انا لسه باعشق
انا لسه باعشق
.. حضنها الدافى
.. الشمس
.. لسه بتوافى
.. و ضمة
.. نورها لكتافى
..و هى لسه بتشقشق
.. انا لسه باعشق
انا لسه باغرق
.. فيها لودانى
.. بتهمس
.. لسه عشقانى
.. و هى
.. جوه احضانى
.. حقيقه رافضه تتصدق
.. انا لسه باعشق
انا لسه باسرق
.. لحظه اقضيها
.. اعيشها
.. و لا اموت فيها
.. تقرب
..شوق يناديها
.. واشوفها قبل ما نتفرق
.. انا لسه باعشق
انا لسه بالجأ
..ليها تخبينى
.. بلدى
.. نارها تحيينى
.. بلدى
.. ترابها يكفينى
.. و نيلها السجن و الملجأ
.. انا لسه باعشق ..
5 Comments:
أول مرة أدخل مدونتك وكويس أنك حاطط عنوانها بالمحاورات قريت أول قصيدة انا لسه باعشق وعجبتني جدا قلت أعلق قبل ما أكمل قراءة باقي التدوينات.القصيدة تمشي على الحبيبة وتمشي على مصر بس انا حسيت أنها لمصر كلامي صح ولا غلط؟؟؟
اولاً نورت (150 ورده على سهوى :))
ثانياً .. اه الكلمات دى عن مصر .. عشقى الاول و الاخير ...
جميل قوي يا طفشان
رائع جدا
عجبتني فعلا
جميل ان تجد من يعبر ان احساسك بكلماته
جميل ان تجد من يشاركك ما تشعر
والاجمل انه علي بعد منك ولا يربطه بك
الا حبك لمصر
جميل احساسك يا طفشان ....جميل جدا
Post a Comment
<< Home