! الكون ضيق

اوقات بحس الكون ضيق

لافف حولين قلبى بيعصر

.. حابس في العين

دمعه و اثنين

و الاهه في صدري بتزيق

ساعتها بحس الكون ضيق

!زامت و مقرّط

..و سنين العمر بتتفرط

الفرح غريب

..و الجرح قريب

...و احباب على حبي بتتريق

ساعتها بحس الكون ضيق

الحب .. تراب

و الخِل سراب

.. و بخيبتى بدور ع الاحباب

بقى ده معقول

يشد جبال حبل رُقَيّق

و ساعتها نقول الكون ضيق

!لازم ح يضيق

.. ما دام بتطيق

.. و بتغفر جرح اي صديق

احكم بالعدل

.. سيبك م الندل

.. و كل وهم بيتهيأ

و عمر الكون ما يكون ضيق